३२औँ वार्षिक साधारण सभा सम्पन्न
गैँडाकोट, नवलपुर | मंसिर २३, २०८२
श्री गैँडाकोट दुग्ध उत्पादक तथा कृषि सहकारी संस्था लि. को ३२औँ वार्षिक साधारण सभा मिति २०८२ साल मंसिर २३ गते भव्य रूपमा सम्पन्न भएको छ। संस्थाका अध्यक्षको अध्यक्षतामा सम्पन्न कार्यक्रममा शेयर सदस्य, किसान, स्थानीय बुद्धिजीवी, सहकारीकर्मी तथा विभिन्न संघ–संस्थाका प्रतिनिधिहरूको उल्लेखनीय उपस्थिति रहेको थियो।
सभामा संस्थाको वार्षिक प्रगति प्रतिवेदन, आर्थिक प्रतिवेदन तथा आगामी वर्षका योजना प्रस्तुत गरिएको थियो। कार्यक्रममा दुग्ध उत्पादन वृद्धि, कृषकको आयआर्जन सुधार, आधुनिक कृषि प्रविधिको प्रयोग तथा सहकारीको सेवा विस्तारका विषयमा विशेष छलफल गरिएको थियो।
कार्यक्रममा बोल्दै वक्ताहरूले सहकारीले स्थानीय कृषक तथा दुग्ध उत्पादक किसानहरूको जीवनस्तर उकास्न महत्वपूर्ण भूमिका निर्वाह गरेको बताएका थिए। उनीहरूले आगामी दिनमा अझ प्रभावकारी सेवा, पारदर्शिता र सदस्यमैत्री कार्यक्रम सञ्चालन गर्न सुझाव समेत दिएका थिए।
साधारण सभाले संस्थाको आर्थिक प्रतिवेदन पारित गर्नुका साथै आगामी कार्ययोजना अनुमोदन गरेको जनाएको छ। कार्यक्रमको अन्त्यमा उत्कृष्ट दूध